Ibitero bya FARDC n’abafatanyabikorwa byibasiye uduce twa Mushaki,Karuba na Kagundu birangira abasilikare ba Leta bahasize ubuzima.
Abicishije ku rukuta rwe twitter Bwana Lawrence Kanyuka Umuvugizi wa AFC/M23 yavuze guhera saa kumi za mu gitondo habaye ibitero mu bice bitandukanye bya Karuba, Mushaki, Kagundu bikaza kurangira ibi bitero bisubujwe inyuma.
Bwana Lawrence Kanyuka avuga ko abarwanyi ba M23 babashije no kwambura intwaro ababateye kandi intego yabo ari ukurinda abasivili baho uyu mutwe ugenzura.
Ubwo twandikaga iyi nkuru imirwano yari ikomeje mu gace ka Rubaya,gaherereye muri Gurupoma Mufunyi Matanda,Teritwari ya Masisi,twashatse kumenya icyo uruhande rwa FARDC rubivugaho duhamagara Lt.Col Ndjike Kaiko uvugira FARDC muri Kivu y’Amajyaruruguru ntitwabasha kumubona kugeza ubwa twandikaga iyo nkuru.
Mwizerwa Ally
Rwandatribune
