Umutwe wa M23 wafashe agace ka Kisharo gaherereye muri Gurupoma ya Binza muri Teritwari ya Rutshuru mu Ntara ya Kivu ya Ruguru, nyuma yo kurwana inkundura n’umutwe wa FLRD.
Aka gace kafashwe na M23 kuri uyu wa Mbere tariki 02 Mutarama 2023 nyuma yuko muri aka gace haramukiye urusaku rw’amasasu mu rugamba rwari ruhanganishije abarwanyi ba M23 n’inyeshyamba za FDLR.
Iyi mirwano kandi yatumye bamwe mu baturage bo muri aka gace, bakwirwa imishwaro, bakizwa n’amaguru barahunga.
Nyuma yuko M23 ifashe aka gace ka Kisharo, wahise uhamagarira abaturage bavuye mu byabo, gutaha kuko bazarindirwa umutekano kandi bko bagiye kuruhuka akarengane bakorerwaga n’uyu mutwe wa FDLR.
Abahunze aka gace, berekeye ahitwa Buramba mu bilometero 30 uvuye aha muri Kisharo ndetse berecyeza no mu bindi bice nka Nyamilima na Ishasha.
hari amakuru avuga ko FARDC yabashije gusubiza inyuma abarwanyi ba M23 mu bice bya Kamatembe na Karenga muri Pariki ya Virunga muri Teritwari ya Masisi, mu mirwano yabaye ku Cyumweru tariki 01 Mutarama 2023.
RWANDATRIBUNE.COM
wa FLRD uyu mutwe se n’uwahe