Umuhanzi Mani Martin byamukozeho nyuma yo gutanga igitekerezo ku ifoto y’umunyamideli Kate Bashabe ashaka kumwereka ko yakunze imiterere ye, n’uko uyu mukobwa ukundwa na benshi amwitura kumuboroka ku rubuga rwa Instagram.
Mu minsi ishize Kate Bashabe, ukurikirwa n’ibihumbi 459 kuri Instagram, yashyize ifoto kuri urwo rubuga yifuriza abakunzi be icyumweru cyiza maze abafana bayisamira hejuru nk’ibisanzwe ndetse na Mani Martin nawe yihutira gushyiraho igitekerezo kuri iyo photo.
Martin wagaragayeho gukururwa n’imiterere ya Bashabe, yananiwe guhisha ibyiyumviro bye ubwo yabonaga iyo foto, ahubwo yahise ajya muri “comments” yandikaho amagambo ngo “Size wanu”, ashatse kugaragariza Bashabe ko yakunze imiterere ye.
Bashabe wakunze kwerekana ko atifuza kuvugwa mu rukundo n’abahanzi nyarwanda kuva bamuvugana na Meddy mu mwaka wa 2017, yahise asiba iyo foto vuba ndetse anaboroka Mani Martin kuri Instagram bisa n’aho atifuje ko abafana n’itangazamakuru bongera kumubaza ibibazo nk’ibyo bamubajije ubwo hagaragaraga amafoto ari kumwe na Meddy.
Uyu Kate Bashabe amaze iminsi myinshi avugwa mu rukundo n’umukinnyi ukomeye cyane wa Liverpool witwa Sadio Mane, ndetse na mbere y’uko coronavirus yaduka, uyu mukobwa yakundaga kugaragara mu bwongereza yagiye kureba imikino ya Liverpool muri stade yayo.
Ndacyayisenga Jerome
