Muri iki gitondo cyo kuwa gatatu taliki ya 13 werurwe 2024 , nibwo abatuye mu mujyi wa Maputo muri Mozambike basanze imodoka y’umushoramari Innocent Rutayisire mu mugezi wa ruhurura, mu masaha ya mugitondo abakubise amaso iyo modoka basanzemo nyakwigendera innocent Rutayisire yari umwe mu bakire bakomeye muri uwo mujyi yapfuye.
Zimwe mu nyandiko zo mu bitangazamakuru byandikirwa mu mujyi wa Maputo muri Mozambique, zivuga ko uyu Munyarwanda yari afite akayabo k’amafranga agera kuri Miliyari z’amadorari mu mabanki y’icyo kigo yakuraga mu bucuruzi bwa esansi,amaduka y’ibiribwa n’utubari.
Bamwe mu mpunzi z’abanyarwanda babarizwa muri Mozambike barimo uwitwa Kazigaba Andre banditse ku mbuga nkoranyambaga bashinja Leta y’uRwanda ko yaba ifite ruhare mu rupfu rwa Nyakwigendera cyane ko uyu Rutayisire yahoze mu ngabo z’uRwanda EX FAR aho yahunze afite ipeti rya Caporal.
Ikindi Rutayisire ni mukuru wa Karemangingo revokate nawe wari umukire wiciwe iMaputo arashwe mu mwaka wa 2021 yaba Karemangingo Revocate, kugeza ubu iperereza rya Police rikaba ritarerekana abamwishe.
Ibivugwa na Kazigaba Andre, urwego rwa Polisi siko rubivuga Umuvugizi wa police mu mujyi wa Maputo yabwiye itangazamakuru ko mu iperereza ryakozwe basanze Nyakwigendera Rutayisire yishwe n’impanuka kandi ko ntabibazo bya politiki yari afitanye n’abantu,aya makuru kandi yemejwe n’umwe mu bavandimwe be bahafi.
Uwineza Adeline
Rwandatribune.com
