Martin Ngoga wari umaze imyaka itanu ari Perezida w’Inteko Ishinga Amategeko y’Umuryango wa Afurika y’Iburasirazuba (EALA) yasimbuwe n’Umurundi Ntakirutimana Joseph.
Uyu Murundi yatowe kuri uyu wa Kabiri tariki 20 Ukuboza 2022 mu Nteko Ishinga Amategeko y’Umuryango wa Afurika y’Iburasirazuba.
Ntakirutimana Joseph yatowe nyuma yuko Ibihugu bigize Umuryango wa Afurika y’Iburasirazuba, bitoye abazabihagararira muri EALA.
Uyu Murundi watowe kuyobora EALA asimbuye Umunyarwanda Martin Ngoga uri mu Badepite barangije manda yabo muri iyi Nteko Ishinga Amategeko y’Umuryango wa Afurika y’Iburasirazuba.
Uyu Murundi atowe ku mwanya wo kuyobora iyi Nteko ya EAC mu gihe uyu muryango na wo uyobowe na Perezida w’u Burundi, Evariste Ndayishimiye wanageneye ubutumwa Ntakirutimana Joseph.
Perezida Evariste Ndayishimiye yizeje Ntakirutimana Joseph ko azamuba hafi mu kuzuza inshingano ze mu rugendo rwo gutuma Umuryango wa Afurika y’Iburasirazuba ugera ku ntego zawo.
RWANDATRIBUNE.COM
