Umutoza w’ikipe y’igihugu, Vincent Mashami yatangaje urutonde rw’abakinnyi 26 bazifashishwa ku mukino yombi u Rwanda rufitanye na DRC ndetse na Ethiopia.
Ni mu gihe kandi ikipe y’igihugu Amavubi yitegura imikino yo guhatanira itike yo kuzakina imikino ya nyuma y’amakipe y’ibihugu ku bakinnyi bakina imbere mu gihugu (CHAN) rizabera muri Cameroun muri Mutarama 2020.
Ni urutonde rugaragaramo abakinnyi bakina mu makipe 4 yabaye aya mbere muri shampiyona y’umwaka ushize nka Rayon Sport ,APR FC, AS Kigali ndetse na Police FC.
Amavubi azabanza kwipima na DRC mu mukino wa gicuti uzaba ku itakliki ya 18 Nzeli 2019 mu rwego rwo gukomeza imyiteguro.
Biteganijwe ko ikipe y’igihugu izava i Kinshasa yerekeza i Addis Ababa guhatana na Ethiopia mu mukino ubanza ku italiki ya 22 Nzeli 2019 mu gihe umukino wo kwishyura uzabera i Kigali tariki ya 18 Ukwakira 2019.
Ikipe y’igihugu Amavubi iheruka mu irushanwa rya CHAN mu mwaka ushize wa 2018 ubwo ryaberaga muri Morocco amavubi akaba yarasezerewe mu matsinda ku mwanya wa 3 mu itsinda C U Rwanda rwari ruherereyemo.
HAKORIMANA Christian
