Imirwano ikomeye hagati ya Gen Kigingi wa PARECO na Gen Kagiri wa Nyatura NCDH/Abazungu yatumye abaturage barenga ibihumbi 2000 bahunga imirwano mu burasirazuba bwa Congo.
Uduce twa Gasheberi gaherereye muri Gurupoma ya Mufunyi Shanga n’agace ka Gahanga gaherereye muri Gurupoma Kahembe hose muri ni muri Teritwari ya Masisi, muri Kivu y’Amajyaruguru, ibi bice bimazemo imirwano imaze ibiri aho abarwanyi bo mu mitwe ya Wazalendo bakomeje gusubiranamo.
Intandaro y’imirwano ni imtungo yasahuwe abaturage harimo inka, amabuye y’agaciro ava mu kirombe cya Rubaya aho buri ruhande rushinja urundi kwikubira umutungo.
Isoko ya Rwandatribune iri mu Rubaya ivuga ko ikirombe cya Rubaya cyabaye isibaniro ry’imitwe yitwaje intwaro aho habarizwa imitwe ya Nyatura CMC/FDP,PARECO,FDLR imbonerakure zavuye iBurundi n’indi mitwe.
Agace ka Masisi gakomeje kuba isibaniro ry’imitwe yitwaje intwaro izwi ku mazina ya Wazalendo. Ikigo Kivu Bolometer kivuga ko Teritwari ya Masisi ubwayo ibarizwamo imitwe yitwaje intwaro igera kuri 20 myinshi ikaba ishingiye ku moko.
Mwizerwa Ally
