Ministiri Dr Vincent Biruta n’intumwa ayoboye zirimo Umunyamabanga Mukuru w’urwego rw’iperereza mu Rwanda Gen.Major Joseph Nzabamwita bakoreye urugemdo rw’akazi iKinshasa.
Amakuru dukesha ikinyamakuru actualite.cd cyandikirwa muri Repubulika iharanira demokarasi ya Congo,aravuga ko uyu munsi Nyakubahwa Perezida Etienne Kisekedi Kilombo yakiriye intumwa z’uRwanda zari ziyobowe na Minisitiri w’ububanyi n’amahanga Dr.Vincent Biruta,muri izo ntumwa kandi harimo Gen.Major Joseph Nzabamwita ukuriye urwego rw’iperereza n’umutekano mu Rwanda,Ambasaderi w’uRwanda muri Congo Vincent Karega na Dr.Donald Kaberuka impuguke mu by’ubukungu .
Mu kiganiro yahaye itangazamakuru Minisitiri w’ububanyi n’amahanga w’iki gihugu Madame Nzenza Tumba yavuze ko izi ntumwa zari zizaniye Perezida Etienne Kisekedi,ubutumwa bwa mugenzi Perezida wa Repubulika y’uRwanda Paul Kagame.
Asoza ikiganiro yashimye Leta y’uRwanda ko ari umuturanyi mwiza kandi ibihugu byombi bisangiye amateka ndetse n’ubuvandimwe,ibi bihugu kandi bikaba bishyize imbere ubuhahirane ,umutekano n’iterambere ku baturage b’ibihugu byombi.
Ubwanditsi
