Nyuma y’uko ingabo z’u Rwanda zihashyize umutwe w’ibyihebe muri Mozambike mu ntara ya Cabo Delgado, zikomeje kuvumbura intwaro zakoreshwaga nabyo.
Ibi bikaba byemejwe n’abashinzwe umutekano b’u Rwanda bari muri Mozambique bemeje ko batahuye ubundi bubiko bw’intwaro z’ibyihebe ahitwa Miloli, mu ishyamba rya Limala mu majyepfo ashyira uburasirazuba bw’akarere ka Mocimboa da Praia District.
Ingabo z’u Rwanda kandi zivuga ko, ibyihebe byirukanwe muri aka gace muri Kanama 2021 ,bisiga bihishe izi ntwaro nyuma yo guhatwa umuriro.
Aha Miloli hahoze hari icyicaro gikuru cy’ibyihebe, ni mu karere ka Mocimboa da Praia ndetse byahishe izi ntwaro birangije birahunga
Ingabo z’u Rwanda zivuga ko ibyihebe byagerageje kugaruka inshuro nyinshi gutwara ziriya ntwaro ariko ntibyakunda, bisanga ziri maso.
Uwineza Adeline
