Nyuma y’uko umwana w’umukobwa w’ahitwa Lindi mu Majyaruguru ya Mozambique byari byemejwe ko yapfuye ndetse mu Ugushyingo 2021 habaho imihango yo kumushyingura, ariko ab’iwabo bongeye kumubona ari muzima.
Abaturage bavuga ko Eurélia Manuel Benjamim bivugwa ko yazutse akava mu bapfuye kuko bari bazi ko bamuhambye, gusa we wezeza ko amaze igihe kinini akora imirimo mu isambu ya Nyirarume.
Umuyobozi mu Karere ka Montepuez, yabwiye televiziyo ya Mozambique ko uriya mukobwa yapfuye ndetse arashyingurwa.Ati “Bakoze imihango yose ijyanye no kumushyingura, ndetse bakoze n’umuhango wo kujya gusura imva ye. Imva ye irahari ntiyigeze itabururwa.”
Iyi nkuru yateye amatsiko abashakashatsi, ndetse itsinda ryabo ryagiye muri kariya gace ka Lindi gukora iperereza bagenzura uwahambwe muri iriya mva.
Ubusanzwe iyo umuntu yapfuye ntawongera kumubona gusa abemera ko izuka ribaho bemeza ko bashobora kuzongera guhura nawe mugihe cy’umuzuko.kugeza ubu haribazwa niba harashyinguwe umuntu cyangwase ikindi kintu.
UMUHOZA Yves
