Mu gihe kitageze ku cyumweru kimwe, COVID-19 yishe umuntu wa kabiri mu Rwanda mu gihe hari hashize igihe iki cyorezo gisa nk’icyatangiye gucika.
Imibare itangazwa na Minisiteri y’Ubuzima mu Rwanda, igaragaza ko kuri uyu wa Kabiri tariki 05 Nyakanga 2022, mu Rwanda hagaragaye abantu banduye COVID-19 bashya 77 barimo 28 bo mu Mujyi wa Kigali.
Iyi mibare yasohotse mu itangazo ryagiye hanze mu ijoro ryo kuri uyu wa Kabiri, igaragaza ko COVID-19 yahitanye kandi umuntu umwe w’imyaka 93.
Ubutumwa bwa Minisiteri y’Ubuzima ibunyujije mu kigo cy’Igihugu cy’Ubuzima, bugira buti “Twihanganishije umuryango w’umugore witabye Imana.”
Iyi mibare igaragaza ko kuva COVID-19 yagera mu Rwanda, imaze kwivugana abantu 1 461 barimo uyu mucyecuru w’imyaka 93.
RWANDATRIBUNE.COM
