Ndabereye Augustin wahoze ari Umuyobozi w’akarere ka Musanze wungirije ushinzwe ubukungu n’iterambere ukurikiranyweho gukubita, gukomeretsa ndetse no guhoza ku nkeke umugore we aho yari yasabye urukiko ko yaburana ari hanze agatanga n’abishingizi ko aramutse acitse babibazwa kuri uyu wa 21Mutarama 2020 yakatiwe kuburana afunze.
Ni urubanza rwatangiye ku isaha y’i saa munani na 47′ aho bagaragazaga ibyaha Ndabereye akurikiranyweho birimo: gukubita no gukoneretsa ndetse no guhoza ku nkeke uwo bashakanye Kamaliza Olive.
Aba bombi nta n’umwe wari uhari keretse umushinjacyaha, aho urukiko rwagaragaje ubwiregure bwe ndetse bakanagaragaza n’ibyo bamushinja, ikindi kandi bagaragaje ko yatanze abishingizi ndetse agatanga n’ingwate irimo ikibanza cyubatsemo inzu ndetse n’imodoka.
Naho ubushinjacyaha bwo bukagaragaza ko yaburana afunze kuko batamwizeye ko aramutse aburanye avunguwe ashobora kuba yasibanganya ibimenyetso kandi ko yanagirira nabi umugore we nk’uko yabyifuzaga.Ikindi ko iki kirego yagitanze mu mwanya utari uwacyo ko yari kubanza agategereza ko igihe cyo kuburana mu muzi kigera akabona gutanga ikirego cy’uko yaburana ari hanze
Ikindi ngo ni uko abantu yatanze bo kumwishingira barimo ababyeyi be ndetse n’abavandimwe be akavuga ko aribo bamwishingira ko ari inyangugayo kandi ko bafite imitungo itandukanye batanga mu gihe byaba ngombwa.
Izi ngingo akaba arizo urukiko rwashingiyeho rwita ku kirego cya Ndabereye, Perezida w’iburanisha Munyawera Sophonie yashingiyeho asoma uru rubanza avuga ko ingingo ya mbere yo kuba abatanze ikirego mu gihe kitacyo ko ntashingiro bifite akomeza n’ingingo ya kabiri yo kuba yatanga abantu bamwishingira igihe yafumgurwa agatoroka.
Urukiko rwavuze ko kubatanga hanyuma akavuga ko ari inyangamugayo ntacyo bivuze kuko icyemezo cy’ubunyangamugayo gitangwa n’inzego zibanze bityo bakaba batarabigaragaje bakabona ko iyo ngingo ntashingiro ifite bityo urukiko rutegeka ko agomba kuburana afunze.
Ndabereye Augustin yatawe muri yombi kuwa 30/8/2019 akurikiranyweho gukubita no gukomeretsa ndetse no guhoza ku nkeke uwo bashakanye, aho mu minsi yashize umugore we yandikiye Perezida wa Repubulika amusaba ko yacungirwa umutekano ngo kuko atizeye ko umugabo we afunguwe atamugirira nabi, agasaba ko yahabwa ubutabera,bikaba bivugwa ko urubanza rwe rushobora kuzaburanishwa mu mizi kuwa 29 Mutarama 2020
Joselyne Uwimana
