Akarere ka musanze gatoye umuyobozi mushya Nuwumuremyi Jeanine wari uhanganye na Niyibizi Emmanuel akaba amutsinze ku majwi 198 naho uwo bari bahanganye agira 72.
Aka karere kari kayobowe na Ntirenganya Emmanuel washyizweho by’agateganyo asimbuye abayobozi bari bamaze gusezererwa kubera kutuzuza inshingano zabo.
Nuwumuremyi akaba aribwo yari akinjira muri jyanama ahagarariye Umurenge wa Busogo.
Akaba ubusanzwe yarakoze ahantu henshi hatandukanye aho yayoboye uruganda rw’amashanyarazi umuyoboro wa Mutobo na Gataraga nyuma aza kuyobora ishami rya RAB mu burengerazuba.
Ubu akaba yayoboraga RAB sitasiyo ya Musanze.
Ni igikorwa cyabereye muri salle y’umurenge wa Muhoza Inteko itora ikaba yari igizwe n’abajyanama 311.
Mpuhwe Rucyahana Andrew yatorowe kuba umuyobozi wungirije w’akarere ushinzwe ubukungu aho yatsinze ku majwi 211Celestin Nizeyimana we wagize amajwi 66.
Axelle Kamanzi we yatorewe kuba umuyobozi wungirije w’akarere ushinzwe imibereho myiza y’abaturage n’amajwi 191 atsinze Ayinkamiye Louise wagize amajwi 88.
Joselyne Uwimana
