Uwari umuyobozi w’akarere ka Musanze ushinzwe ubukungu n’iterambere Ndabereye Augustin ukurikiranweho icyaha cyo gukubita no gukomeretsa umugore we ku mugoroba wo kuri uyu wa Kabiri yagejejwe mu rukiko rwisumbuye rwa Musanze maze akorerwa inyandiko mvugo ku byaha ashinjwa.
Twifuje kumenya niba ku cyaha aregwa cyo gukubita no gukomeretsa hari icyaba cyiyongereyeho tuvugana n’umuvugizi w’inkiko, Mutabazi Harrison avuga ko igikurikiranwa n’urwego rw’igihugu rushinzwe ubugenzacyaha (RIB).
Yagize ati “Idosiye ye ntiturayakira iracyari mu maboko ya RIB nibayitugezaho tuzagira icyo tubitangazaho.”
Ndabereye yagejejwe mu maboko ya police kuya 30 kanama 2019 akaba afungiye kuri sitasiyo ya police ya Muhoza aho kuri uyu wa kabiri yagejejwe imbere y’urukiko aje gusobanura ibyaha aregwa.
Joselyne Uwimana
