Uwari umuyobozi w’Akarere ka Musanze wungirije ushinzwe ubukungu n’iterambere, Ndabereye Augustin, urukiko rw’ibanze rwa Muhoza rwetegetse ko afungwa by’agateganyo iminsi 30 mu gihe hagikusanywa ibimenyetso bimushinja.
Ku isaha ya saa cyenda n’igice zo kuri uyu wa Gatatu, nibwo abacamanza mu mwambaro wabo w’akazi binjiye mucyumba cy’iburanisha basoma umwanzuro w’urubanza rwa Ndabereye, bategeka ko aba afunzwe iminsi 30 y’agategenyo kugira ngo “ibimenyetso bisigaye ubushinjacyaha bubigereho nta mbogamizi”
Ubwo urukiko rwibanze rwa Muhoza rwasomaga imyanzuro yo gukatira iminsi 30 y’agateganyo uyu Ndabereye yari adahari,cyakoze bamwe mu bo mu muryango we bari bitabiriye ndetse n’abandi bake bari baje gukurikirana uru rubanza.
Uyu Ndabereye yafunzwe kuva kuya 30 kanama ashinjwa gukubita, gukomeretse ndetse no guhoza ku nkeke uwo bashakanye.
Joselyne Uwimana
