Ni urubanza rwimuwe amasaha kuko rwabaga kuba saa mbiri za mu gitondo ariko ruza kwimurwa rushyirwa saa munane 14h00, uyu Munyamabanga nshingwabikorwa yari yambaye imyenda ye isanzwe ari kumwe n’abunganizi mu by’amategeko babiri,baje kuburana ifungwa n’ifungurwa ariko siko byagenze kuko bahereye ku nzitizi ebyiri bafite zituma bataburanira mu rukiko rwisumbuye rwa Muhoza.
Umwunganizi we yagaragaje inzitizi bafite zituma bataburanira muri uru rukiko avuga ko rutabifitiye ububasha ahubwo asaba ko bakoherezwa mu rukiko rw’ibanze rwa Muhoza kuko ibyaha aregwa bihanishwa igifungo kiri munsi y’imyaka itanu kandi hano baburanisha ibyaha bihanishwa hejuru y’imyaka itanu.
Ikindi bagaragaje nuko bifuza ko urukiko rwasuzuma uwatanze ikirego,kuko basanga uwatanze ikirego atari we wari ukwiriye kugitanga ,kuko uburyo ikirego cyatanzwe ,Itegeko risobanura imihango y’itangwa ry’ibirego nshinjabyaha.
K’uruhande rw’ubushinjacyaha buvugako icyaha cya mbere cyo kubabaza umubiri bidaturutse kubushake cyo kiburanishirizwa mu rukiko rw’ibanze ariko icyaha cya kabiri cyo gufunga mu buryo bunyuranije n’amategeko kiburanishirizwa mu rukiko rwisumbuye ari nayo mpamvu busaba ko zose bazishyira hamwe zikaburanishirizwa mu rukiko rwisumbuye.
bukomeza buvuga ko ingingo ya 285 bireguza ivuga umuntu ufungira umuntu muri kasho cyangwa muri Gereza ntabubasha abifitiye atariyo kuko Aimable atariho yamufungiye ahubwo yamushyize muri butu y’imodoka ahantu hatwarwa ibintu hadatwarwa abantu,we n’aba Dasso be bakajya imbere ahicara abantu bityo rero iyo ngingo bashingiraho ko atariyo ahubwo harebwa ni 151.
Bwana Nsabimana Aimable wari Umunyamabanga nshingwabikorwa ukekwaho gufunga ndetse no kubabaza umubiri bitari k’ubushake ibi byaha yabikoze kuya 18/9/2020 atabwa muri yombi kuwa 22/09,urubanza rukazasomwa kuwa 13/10/2020.
Uwimana Joselyne
I
