Ku gicamunsi cyo kuwa 06/06 ikipe ya musanze FC yasinyishije abakinnyi barindwi barimo batatu bari bayisanzwemo ndetse n’abandi bane baturutse mu yandi makipe atandukanye ya hano mu Rwanda. Mu ijambo perezida w’iyi kipe yavuze ubwo yasinyishaga aba bakinnyi yikomye abantu bashinze udutsiko birirwa basebya ikipe ya Musanze FC bashaka ko yasenyuka, abasaba ko baza nabo bakayiyobora niba aribyo bakeneye.
Tuyishime placide peresida w’ ikipe ya Musanze FC ubwo yamaraga gusinyisha abakinnyi baguzwe ngo bafashe iyi kipe mu mikino y’umwaka utaha, yavuze ko bashaka kubaka iyi kipe gusa akababazwa n’uko hari agatsiko k’abantu bahora bavuga ikipe nabi.
Tuyishime ngo yibaza niba komitey’ikipe ya Musanzenta kiza igira ku buryo ihora ivugwa ibibi gusa.Ngo niba koko abavuga ibyo babiterwa n’urukundo,bazaze bafatanye kuyiteza imbere.
yagize ati ” Musanze FC ntabwo ari akarima kanjye cyangwa aka komite iriho, hari udutsiko numvise ko banakoze amagurupe yo kurwanya ibyo dukora abo rero niba Koko bashaka ko ikipe itera imbere Kandi ko bayikunze bazaje tukaganira cyangwa bakantumira bakampa ibitekerezo niba Koko byubaka cyangwa se nabo bazaze nyibahe bayibyimbe niba bumva babishaka rwose ntawe nabuza.”
Tuyishime yakomeje avuga ko ibikorwa byo guteza imbere ikipe bikomeje n’ubwo ababirwanya batifuza kubibona. Ngo kuba basinyishije abakinnyi barindwi icyarimwe ni intwabwe ikomeye kandi ngo hari n’abandi Musanze FC iteganya kuzana murwego rwo gukomeza kuyizamura.
Umutoza wa Musanze FC Seninga Innocent nawe umaze igihe gito aguzwe yavuze ko ikibaraje ishinga ari ukubaka iyi kipe kuko akomeje gufatanya na komite kugura abakinnyi bazifashisha umwaka utaha kandi ko biri kugenda neza.
Ati “Turafatanya n’ubuyobozi bw’ ikipe tugura abakinnyi bakenewe bazadufasha gukina umwaka utaha,turasimbuza abo amasezerano yabo yarangiye ariko tubona badakenewe kimwe n’uko harimo n’abandi bari basanzwemo twongereye amasezerano.Ibyo byose rero bizadufasha kugera ku ntego twihaye yo kuzaza mu makipe y’imbere.”
Mu bakinnyi bashya ikipe ya Musanze FC yahaye amasezerano y’akazi harimo Ndizeye Innocent bakunze kwita Kigeme wakiniraga ikipe ya Mukura fc. naho mubongereye amasezerano harimo Habyarimana Eugene ari nawe uzaba Kapiteni w’iyi kipe umaze imyaka itanu ayikinira.
UWIMANA Joselyne
