Uwari umunyamabanga nshingwabikorwa w’umurenge wa Cyuve Sebashotsi Gasasira Jean Paul na bagenzi be baregwa gukubita no gukomeretsa Nyirangaruye Clarisse na musaza we Manishimwe.
urugereko rw’urukiko rwa Musanze rwasomye imyanzuro y’urubanza bw’ubujurire bwabo kwo kuburanira mu rukiko rw’ibanze rwa Muhoza rwemejeko ubujurire bw’ubushinjacyaha bufite ishingiro butesha agaciro imyanzuro yari yafashwe n’urukiko rwisumbuye rwa Musanze rutegekako agomba kuburanira murukiko rwisumbuye rwa musanze kuko rubufitiye ububasha.
Ni isomwa ry’urubanza ryari riteganyijwe gutangira kw’isaha ya 14h00 ariko riza gukererwaho amasaha abiri kuko ryatangiye kw’isaha ya 16h00. umucamanza yaje ahita asoma imyanzuru avuga ko urukiko rwisumbuye rwiyambuye ububasha Kandi rubufite maze rutegekako ko Sebashotsi na bagenzi be bagomba kuburanira murukiko rwisumbuye rwa Musanze rugatangira mu mizi.
Mw’iburanisha ry’ubushije ubushinjacyaha bwaburanaga bugaragaza ko butishimiye imyanzuro y’urubanza yafashwe n’urukiko rwisumbuye rwa Musanze rwari rwafashe , yo kohereza ababurana m’urukiko rwibanze rwa Muhoza, buvuga ko budafite ububasha bwo kuburanisha uru rubanza bityo ko batishimiye iyi myanzuro bagaragaza n’impamvu batanyuzwe.
Naho abaregwa bo bagaragaje ko imyanzuro yafashwe n’urukiko rwisumbuye rwa Musanze ariyo, Kandi ko bayishimiye ndetse banerekana ingingo zituma bavuga ko bishimiye iyi myanzuro Kandi ko yari ikwiye.
Urukiko rukuru urugereko rwa Musanze rwavuze ko rwasuzumye ubwiregure bwa bose maze busanga ubujurire bwatanzwe n’ubushinjacyaha bufite ishingiro butegeka ko uru rubanza rukwiriye kuburanishirizwa mu mizi murukiko Rwisumbuye rwa Musanze.
Kandi rwategetse amagarama y’urubanza azaba subwiswe akazaregerwa nyuma.
Uwimana Joselyne
