Umukandida perezida w’ ishyaka NUP, Robert Kyagulanyi Ssentamu uzwi ku izina rya Bobi Wine, yatangaje ko yakundaga kuburira Kale Kayihura wahoze ayobora Polisi ya Uganda ko Perezida Museveni amukoresha nk’igipupe ntabyumve.
Ubwo Robert yiyamamarizaga I Kisoro ,Kyagulanyi yashinje Komiseri wako karere kubangamira abamushyigikiye.Yagize ati: “ Komiseri wa Kisoro yavuze ko niba abantu banjye baza hano, bagomba gucukura imva zabo kuko agiye kubica. Gusa mumubwirire ko namubabariye. ”
Kyagulanyi wari kumwe n’umugore we Barbara Itungo Kyagulanyi uzwi ku izina rya Barbie, yanavuze ku mugabo ukunzwe n’abatuye aka gace cyane ko ari naho avuka Gen. Kale Kayihura. Yavuze ko Museveni yakoreshaga Gen. Kayihura nt’igipupe cye ,ati: “Nabwiye Jenerali Kayihura ko Perezida Museveni atari umuntu udakorwaho, Namukabwiye kandi ko amukoresha nk’igikoresho cye(Igipupe) nabyo ntiyabyumva”.
Kyagulanyi yongeyeho ko Kayihura ari inshuti ye kandi akenshi yamubwiraga ko ayobywa na Perezida Museveni . Yagize ati “Ikintu cyose Gen. Kayihura yakoze, yakoraga ku itegeko rya Museveni. Ariko nyuma yo kumukoresha, yaramuhemukiye none ntashobora no gutaha iwabo ku ivuko ”
Kyagulanyi yongeyeho ko azasubira i Kisoro, ari perezida wa Uganda aho azaba aje gufungura Ikibuga cy’indege kizaba cyarahuzuye.
Ibikorwa byo kwiyamamaza bya Bobi byo kuwa 16 Ukuboza byarangiriye i Kabale.Aho uyu munsi bitegnijwe ko yiyamamariza i Kanungu, Mitooma na Rukungiri.
