Ninjye mubyeyi w’ukuri uzashobora gutsinda umwanzi wa Congo: Perezida Tshisekedi

Umukuru w’igihugu cya Repubulika ya Demokarasi ya Congo, yabwiye Abanye- Congo ko bagomba kumutora kuko ariwe mu Perezida w’ukuri uzashobora guhangana n’umwanzi w’igihugu cyabo.

Ibi yabigarutseho ubwo yari ari mu bikorwa byo kwiyamamariza umwanya w’umukuru w’igihugu mu mujyi wa Kindu, mu Ntara ya Maniema kuri uyu wa 23 Ugushyingo 2023,maze abwira abaturage ko bagomba  kuzamutora kuko ariwe  mubyeyi w’ukuri uzashobora gutsinda abanzi b’igihugu.

Yagize ati  “ Ni njye so,  ndi Perezida wanyu nzatsinda umwanzi wa Congo”

Yakomeje abwira abanye Congo ko atazigera agirana  ibiganiro n’umutwe w’Inyeshyamba wa M23  kuko byakwinjiza abanzi benshi mu gisirikare no mu gihugu muri rusange.

Yongeyeho ko igihugu cyabo gifite abanzi benshi bashaka kugicamo ibice, kandi ko bashyizeho abakandida kugira ngo biyamamarize kuyobora  Congo. Abo muzabumva  bababwira ko bazagirana imishyikirano na M23.

Mu bakandida Tshisekedi avuga ko boherejwe n’abanzi harimo Moise Katumbi uhagarariye ishyaka Ensemble pour la Republique, avuga ko ari mukwaha k’u Rwanda.

Adeline Uwineza

Rwandatribune .Com