Inama y’igihugu y’abana iri kubera i Nkumba mu karere ka Burera ku nshuro yayo ya 16. Inama y’igihugu y’abana yatangiye muri 2004 aho abana basabye Perezida Kagame kubaha urubuga rwo kungurana ibitekerezo no kuganira n’abafata ibyemezo n’abaterankunga.
Umwana uhagarariye abandi Sarah Asiimwe mu butumwa yatanze yasabye ababyeyi gukomeza kuba hafi y’abana babatoza uburere bwiza, asaba abayobozi gukomeza gushyiraho gahunda n’ingamba ziteza imbere uburenganzira bw’abana, akomeza asaba n’abarezi kubaha ubumenyi buzabafasha gutegura ejo heza habo.
Inama y’igihugu y’abana isanzwe iterana mu mpera z’umwaka igahuza abana baserukiye abandi uhereye ku rwego rw’umurenge kugera ku rwego rw’igihugu abo bana bagahuzwa n’abayobozi bakuru b’igihugu kugira ngo babagezeho ibitekerezo n’ibyifuzo byabo.
Mucunguzi Obed
Rwandatribune.com
