Kuri uyu wa 21 Nyakanga 2022 Frank Diongo umuyobozi w’Ishyaka MLP (Mouvement Lumumbiste Progressiste) yanenze Perezida Felix Tshisekedi uvugwaho kujya kwinezeza mu Gihugu cya Espagne mu Mugi wa Marbella mu gihe Igihugu cye cyugarijwe n’ibitero by’umutwe wa M23 ndetse ukaba waramaze kwigarurira agace ka Bunagana.
Yagize ati “Birababaje kubona Perezida wa Repuburika agenda akiryamira, akiruhutsa, akaninezeza mu mu Gihugu cy‘i Burayi mu Mugi wa Marbella uzwi cyane mu kwineze nka Las Vegas muri Leta zunze ubumwe za Amerika, Mu gihe Bunagana yafashwe, Rutshuru ikaba igoswe, Goma ikaba yugarijwe, abana n’abategarugori bari kwicwa. Ibi ni ukwirengagiza inshingano ze.”
Ubwo Perezida Felix Thisekedi yajyaga muri Espagne ku wa 18 Nyakanga 2022, Patrick Muyaya umuvugizi wa Guverinoma, yatangaje ko Umukuru w’Igihugu atajyanywe n’akazi, ko ahubwo ari impamvu ze bwite zirimo kwivuza ariko ko muri iyi weekend azagaruka mu Gihugu.
Gusa perezida Tshisekedi yaje kugaragara muri Malbera ari kumwe n’inshuti ze batembera mu Nyanja ya Mediterane bari mu bwato bwo mu bwoko bwa Yacht bugenderwamo n’abaherwe banywa amayoga ahenze ndetse banagaragiwe n’itsinda ry’abakobwa.
Akayabo kangana na Miliyoni 4 z’Ama Euro niko kavugwa ko kateguwe mu rwego rwo gutegura ibiruhuko bya perezida Felix Thisekedi muri Espagne.
Claude HATEGEKIMANA
RWANDATRIBUNE.COM
