Mu itabwa muri yombi rye haravugwamo akaboko ka Kayumba Nyamwasa na Frank Ntwari
Umunyamakuru Ntamuhanga Caasien ushakishwa n’ubutabera bw’uRwanda ku byaha birimo kurema umutwe witwaje intwaro no guhungabanya umutekano w’igihugu bikomeje guhwihwiswa ko yaba yatawe muri yombi n’inzego z’umutekano za Mozambike.
Nkuko bigaragara mu butumwa bwiriwe bucicikana ku mbuga nkoranyambaga z’Abarwanya Leta y’uRwanda ,twitter na whatsapp,hagiye hahita ubutumwa butabariza Ntamuhanga Cassien, busaba abibumbiye mu matsinda y’ibigarashya ko bakusanya imbaraga z’amafaranga na dipolomasi,kugirango uyu Ntamuhanga Cassien ntiyoherezwe mu Rwanda kurangiza ibihano yakatiwe n’inkiko zo mu Rwanda.
Ku rundi ruhande abandi bo,byababereye urujijo kuko hari bafite amakuru y’uko akiri muri Uganda,aho yashinzeyo umutwe wiyise Abaryankuna usanzwe ukorera mu kwaha kwa Kayumba Nyamwasa,mu magambo y’inyongera ku rundi ruhande rw’abarwanya Leta y’uRwanda bagiye bavuga ko bitaba bitangaje ko Ntamuhanga yaba yafashwe kuko yari amaze iminsi atunvikana neza na Kayumba Nyamwasa,bakavuga ko ifatwa rye RNC yaba yabigizemo uruhare.
Ubwo twandikaga iyi nkuru nta ruhande rwa Leta y’uRwanda cyangwa iya Mozambike rwari rwabyemeza cyangwa ngo rubihakane,gusa k’uruhande rw’uRwanda ho byaba ari inyungu z’ubutabera dore ko yashakishwaga n’ubutabera bw’uRwanda ku byaha bikomeye.
Hasize iminsi,Urugereko rwihariye rw’Urukiko Rukuru ruburanisha Ibyaha Mpuzamahanga n’Ibyambukiranya Imipaka ruhamije ibyaha by’iterabwoba abarimo Ntamuhanga Cassien wari muri dosiye imwe na Kizito Mihigo agatoroka gereza mu 2017 na Ndayizera Phocas wigeze gukorera BBC Gahuzamiryango.
Ntamuhanga waburanye adahari yahanishijwe igifungo cy’imyaka 25 mu gihe Ndayizera we yahanishijwe gufungwa imyaka 10.
Ntamuhanga Cassien wari Umunyamuryango wa RNC ya Kayumba Nyamwasa,yakunze kugaragara mu bikorwa byinshi byo kugirira abanyarwanda nabi bari kampala muri Uganda afatanyije na Frank Ruhinda muramu wa Col.Patrick Karegeya,Ntamuhanga Cassien kandi niwe washinze umutwe wa RANP Abaryankuna.
Shamukiga Kambale
