Perezida wa Côte d’Ivoire Alassane Ouattara yahuye na Laurent Gbagbo bahanganye mu matora yabahanganishije mu myaka 10 ishize ndetse igakurikirwa n’imidugararo ikomeye yibasiye iki gihugu.
Mu mwaka 2011 nibwo muri Côte d’Ivoire habaye amatota y’umukuru w’igihugu, byaje gutangazwa ko Ouatara ayatsinzemo Gbagbo wari ku butegetsi, Icyo gihe Gbagbo yanze kwemera ko yatsinzwe mu matora hatangira imyigaragambyo y’abamushyigikiye yaje kurangira abarenga 3,00o bahaburiye ubuzima.
Iyi myigaragambyo ikirangira Laurent Bagbo yaje kwerekeza mu gihugu cy’Ubufaransa .Gbagbo yagarutse mu gihugu mu kwezi gushize, nyuma yuko urukiko mpuzamahanga mpanabyaha (ICC/CPI) rwemeje ko ari umwere ku byaha byibasira inyokomuntu yaregwaga.
Aba bagabo bombi bari guharanira ko habaho amahoro n’ubwiyunge.
Ku wa kabiri, mu murwa mukuru Abidjan, Bwana Ouattara, w’imyaka 79, yahaye ikaze mu biro bye Bwana Gbagbo, w’imyaka 76.
Mu kiganiro n’abanyamakuru nyuma y’inama yabo, Bwana Ouattara yavuze ko akaduruvayo bagashyize inyuma yabo. Ygize ati: “Icy’ingenzi kuri Côte d’Ivoire ni amahoro mu gihugu cyacu”.
Bwana Gbagbo yasabye ko imfungwa zafunzwe kuva intambara yaba zirekurwa.
Bamwe babona uku guhura kwabo nk’ikimenyetso cyo gukira ibikomere kw’iki gihugu, ariko Justin Katinan Koné, umuvugizi wa Bwana Gbagbo, yasabye abantu “kutaremereza cyane” guhura kwabo.Bwana Gbagbo yafatiwe mu ngoro ya perezida mu kwezi kwa kane mu 2011 yoherezwa ku rukiko rwa ICC i La Haye (The Hague) mu Buholandi.
Nyuma yo kugirwa umwere, yabaye mu murwa mukuru Buruseli w’Ububiligi, mbere yuko atumirwa na Bwana Ouattara ngo agaruke mu gihugu.
Yagarutse mu gihugu mu kwezi kwa gatandatu yakirwa n’abamushyigikiye.
Aracyafite igifungo cy’imyaka 20 yakatiwe nyuma yuko ahamijwe adahari ubusahuzi bwa banki yo mu karere mu gihe cy’intambara.
Bwana Gbagbo aherutse gutangaza ko we na Henri Konan Bédié, na we wahoze ari Perezida, bishyize hamwe mu kutavuga rumwe n’ubutegetsi bwa Perezida Ouattara.
