Paul Rusesabagina ufungiwe muri Gereza ya Nyarugenge izwi nka Mageregere ari mu bahawe urukingo rwa Covid-19 mu cyiciro cya mbere cyibanze ku mfungwa n’abagororwa bafite ibyago byo kwibasirwa na Covid-19 kurusha abandi.
Guverinoma y’u Rwanda yatangiye ibikorwa byo gukingira C0vid-19 kuwa 5 Werurwe 2021, aho muri iki cyiciro hibanzwe ku bashobora kuzahazwa n’iki cyorezo barimo abageze mu za Bukuru, Abafite uburwayi bwinshi budakira , abakora mu nzego z’ubuzima n’abandi.
Inkingo zirimo kwifashishwa muri iki gikorwa ni izageze mu Rwanda binyuze mu muhsinga Covax uhuriweho n’ibihugu bya Afurika ugamije kubishakira inkingo mu bigo bizikora.
Paul Rusesabagina w’imyaka 66 ari mu cyiciro cy’abagenwe guhabwa urukingo mu cyiciro cya mbere. Rusesabagina akurikirwanweho ibyaha 13 bifitanye isano n’iterabwoba byakozwe n’umutwe wa FLN ushamikiye kuri MRDC Ubumwe yari abereye umuyobozi.
