Ubwo yari mu gikorwa cyo kwiyamamaza mu ntara ya Kivu y’amajyepfo, Perezida Félix Tshisekedi yadukanye iturufu yo kugereranya mugenzi we Paul Kagame nka Adolf Hitler wayoboraga Ubudage.
Uyu mukuru w’igihugu cya Congo yasezeranije abari bamukurikiye ko Mugenzi we agomba kurangiza nka Adolf Hitler, ni ibintu yavugiye mu mujyi wa Bukavu aho yageze avuye Shabunda na Miti naho hakaba ari muri Kivu y’amajyepfo.
Akimara guhabwa i jambo yagize ati “Nimuntora nzabazanira amahoro, nzabazanira ibyiza mushaka byose birimo umutekano n’iterambere, ikindi kandi mwamenya n’uko Paul Kagame, azarangira nka Adolf Hitler.”
Ibi Tshisekedi abivuga mu gihe leta ye ihora ishinja ubutegetsi bwa Kagame gufasha u mutwe w’inyeshyamba wa M23 urwanya ubutegetsi bwa Kinshasa, ibyo u Rwanda rwakunze guhakana ahubwo bagashinja Leta ya Kinshasa kunanirwa gukemura ibibazo ifitanye n’abaturage bayo no gukorana bya hafi n’inyeshyamba za FDLR zasize zihekuye u Rwanda.
Adeline Uwineza
Rwandatribune.com
