Umuyobozi w’Impuzamashyirahamwe y’Umupira w’Amaguru ku Mugabane wa Afurika, Dr. Patrice Motsepe, yahamije ko u Rwanda rufite amahirwe kubera Ubuyobozi bwiza bwa Perezida Kagame.
Ku wa Mbere tariki ya 1 Nyakanga 2024, ni bwo Perezida Paul Kagame yafunguye ku mugaragaro Stare Amahoro ivuguruye.
- Kwamamaza -
Ni umuhango witabiriwe n’abarimo Umuyobozi w’Impuzamashyirahamwe ry’Umupira w’Amaguru muri Afurika (CAF), Dr Patrice Motsepe ndetse na Minisitiri wa Siporo mu Rwanda, Munyangaju Aurore Mimosa.
- Kwamamaza -
Ubwo yari kumwe na Perezida Paul Kagame, Dr Patrice Motsepe yavuze ko Abanyarwanda bafite amahirwe menshi kubera Ubuyobozi bwiza.
Uyu muyobozi yakomeje avuga Stade Amahoro iri muri Sitade nziza Kandi zigezweho ziri ku Mugabane wa Afurika.
Yagize ati “Iyi ni imwe muri Stade nziza muri Afurika no ku Isi. Twe nk’Abanyarwanda, twe nk’abanya-Afurika, dukwiye kwishimira Perezida wacu, Ubuyobozi bwiza ndetse na Stade nziza.”
- Kwamamaza -
Dr. Motsepe yasabye Abanyarwanda ko bakwiye gushimira Perezida Kagame kubera iki gikorwaremezo cy’indashyikirwa ku mugabane wa Afurika ariko kikaba kiri mu Rwanda by’ umwihariko.
Mu butumwa Perezida w’ Impuzamashyirahamwe y’ Umupira w’Amaguru ku Isi (FIFA), Gianni Infantino yageneye Perezida Kagame nawe yamushimiye igikorwa cy’indashyikirwa cya Sitade Amahoro yafunguwe ku mugaragaro, avuga ko izatuma ruhago itera imbere mu Gihugu cy’ u Rwanda na Afurika muri rusange.
Perezifa wa FIFA, Gianni Infantino wagarutsweho na Perezida Paul Kagame, na we yamugeneye ubutumwa ubwo kumushimira ubwo hafungurwaga ku mugaragaro iyi Sitade yashyizwe ku rwego mpuzamahanga, aho ishobora kwakira n’umukino wa nyuma w’Igikombe cy’Isi.
Gianni Infantino yagize ati “Amashimwe menshi ku muvandimwe n’inshuti yanjye akaba na Perezida w’u Rwanda, Paul Kagame, ku gufungura ku mugaragaro Sitade Amahoro.
Perezida wa FIFA yakomeje avuga ko “Iki gikorwa ari amahirwe azagira uruhare mu kuzamura no kugeza kure umupira w’amaguru muri iki Gihugu.”
Infantino yakomeje agaragaza ko Perezida Paul Kagame, ari uwo gushimirwa byimazeyo ku bwo guharanira iterambere rya siporo mu Rwanda ndetse no ku Mugabane wa Afurika by’umwihariko umupira w’amaguru.
Ati “Perezida Paul Kagame yakomeje gushyigikira no guhozaho mu iterambere ry’uyu mukino mwiza mu Gihugu cye, kandi yanakiriye Inteko rusange ku rwego rw’Isi ya FIFA yabaye muri 2023.”
Perezida wa FIFA yasoje ubutumwa bwe yizeza ko azakomeza gukorana n’u Rwanda ndetse na CAF, mu kuzamura impano z’abana b’abahungu n’abakobwa mu mupira w’amaguru.
Ubutumwa bwa Giannie Infantino bwari buherekejwe n’amafoto y’ibihe yagiye ahuriramo na Perezida Paul Kagame.
Stade Amahoro izajya yakira abantu bagera ku bihumbi45 bicaye neza, ndetse ikaba ifite nubushobozi bwo kwakira umukino wanyuma w’igikombe cy’ Isi.
Rwandatribune.com