Perezida wa Repubulika y’u Rwanda, Paul Kagame yageze i Dakar muri Senegal aho yitabiriye inama yiga ku ngamba zo gukomeza kuzamura ibikorwa remezo muri Afurika.
Nkuko byatangajwe na Perezidansi y’u Rwanda, Perezida Paul Kagame yageze i Dakar ku mugoroba wo kuri uyu wa Gatatu tariki 01 Gashyantare 2023.
Umukuru w’u Rwanda, akigera ku Kibuga cy’Idenge cya Léopold S. Senghor, yakiriwe na mugenzi we Perezida Macky Sall uyobora Senegal.
Perezida Macky Sall kandi uyoboye Umuryango wa Afurika Yunze Ubumwe, yanakiriye mu biro bye Perezida Paul Kagame, bagirana ibiganiro byibanze ku bibazo biri mu karere, ibiri ku mugabane wa Afurika ndetse n’ibindi byugarije Isi.
Perezida Paul Kagame yitabiriye iyi nama ya kabiri ya Dakar yiga ku ishoramari ry’ibikorwa remezo muri Afurika, iteganyijwe uyu munsi.
RWANDATRIBUNE.COM
