Minisitiri w’Intebe Dr. Ngirente Eduard niwe uhagararira Perezida wa Repubulika y’u Rwanda Paul Kagame mu muhango wo gusezera kuri John Pombe Magufuli wayoboraga Tanzania witabye Imana kuwa 17 Werurwe 2021.
Nkuko byatangajwe n’umuvugizi wa Guverinoma ya Tanzania Hasssan Abbasi, umuhango wo gusezera kuri Magufuli uteganijwe uyu munsi uritabirwa n’abanyacyubahiro barimo abakuru b’ibihugu bagera ku 10 n’abayobora za Guverinoma.
Mu bakuru b’ibihugu bazitabira uyu muhango harimo, Uhuru Kentatta (Kenya),Lazarus Chakwera(Malawi),Azali Assumani(Comore),Philip Nyusi(Mozambique),Emmerson Mnangagwa(Zimbabwe)Edgar Lungu(Zambia)Hage Geingob(Namibia),Mkgweetsi Masisi(Botswana), Cyril Ramaphosa(South Africa) na Felix Tshisekedi wa Repubulika iharanira demokarasi ya Congo.
Uyu muhango biteganijwe ko uba kuri uyu wa Mbere tariki ya 22 Werurwe 2021, ukabera kuri Sitade ya Jamhuri mu murwa mukuru Dodoma.
U Rwanda muri uyu muhango rurahagararirwa na Minisitiri w’Intebe Dr. Edouard Ngirente.
John Pombe Magufuli Joseph wayoboraga Tanzania yitabye Imana kuwa 17 Werurwe 2021 ku myaka 61, I Dar Es Salaam muri Tanzania azize indwara y’umutima. Umuhango wo kumushyingura ukaba uteganijwe kuwa 26 Werurwe 2021 iwabo ku ivuko mu gace ka Chato.
(Tramadol)
