Kuri uyu wa 5 Gicurasi 2022, Perezida wa Repubulika y’u Rwanda, Paul Kagame yahagaritse ku mirimo Umunyamabanga wa Leta muri Minisiteri y’Urubyiruko n’umuco, Edouard Bamporiki.
Itangazo rwashyizwe hanze n’ibiro bya Minisitiri w’Intebe, rivuga ko Bamporiki Edouard hari ibyo arimo gukurikiranwaho.
Iri tangazo rigira riti “Ashingiye ku bubasha ahabwa n’itegekonshinga, Perezida wa Repubulika y’u Rwanda Paul Kagame yahagaritse Umunyamabanga wa Leta muri Minisiteri y’umuco n’Urubyiruko Edouard Bamporiki kubera ibyo agomba kubazwa akurikiranyweho.”
Bamporiki Edouard ni umusizi, umwanditsi, n’umukinnyi wa filimi n’amakinamico, yamaze imyaka igera kuri ine (4) ari Umudepite w’ishyaka riri ku butegetsi FPR Inkotanyi mu gihe mu mwaka 2017 yagizwe umukuru w’Itorero ry’igihugu, naho kuva 2019 yagizwe Umunyamabanga wa Leta muri Minisiteri y’Urubyiruko n’Umuco.
RWANDATRIBUNE.COM
