Perezida wa Repubulika y’u Rwanda akaba n’Umugaba w’ikirenga w’Ingabo z’u Rwanda, kuri uyu wa Mbere tariki 27 Mata 2020 yakuye ku mirimo General Patrick Nyamvumba wari umaze igihe kibarirwa mu mezi ari Minisitiri w’Umutekano w’Imbere mu gihugu.
Itangazo ryashyizwe hanze n’Ibiro bya Minisitiri w’Intebe rivuga ko General Nyamvumba yakuwe ku mirimo kugira ngo akorweho iperereza kubyo akekwaho.Muri iri tangazo kandi havugwamo ko agomba kuba asubiye gukorera ku cyicaro cy’ingabo z’u Rwanda mu gihe iperereza rigokomeje.
General Patrick Nyamvumba yavutse tariki 11 Kamena 1967. Yagiye ashingwa imirimo itandukanye mu Ngabo z’u Rwanda, imwe muri yo twavuga nko kuyobora Batayo y’Ingabo zirwanira ku butaka, umutwe wa Mechanised ndetse Brigade y’Ingabo zirwanira ku butaka. Iyo mitwe yagiye ayiyobora mu 1995, 1996 no mu 1997.
UMUKOBWA Aisha
