Perezida wa Repubulika y’u Rwanda Paul Kagame yatenbereje Lt Gen Muhoozi Kainerugaba uri mu ruzinduko mu Rwanda u rwuri rwe anamugabira inyambo.
Kuva kuri uyu wa 14 Werurwe 2022, Lt Gen Muhoozi Kainerugaba ari mu ruzinduko rw’akazi mu Rwanda aho amaze gusura ibikorwa bitandukanye mu Rwanda birimo , Kigali Arena n’urwibutso rwa Jenoside yakorewe abatutsi rwa Kigali.
Nkuko bigaragara ku rukuta rwa Twitter rw’ibiro by’umukuru w’igihugu, Nyuma yo gutemebereza iyi mfura ya Perezida Museveni mu rwuri, Perezida Kagame yamugabiye inka zo mu bwoko nbw’inyambo.
Lt Gen Muhoozi asanzwe ari umugaba mukuru w’ingabo zirwanira ku butaka mu ngabo za Uganda (UPDF) inshingano afatanya no kuba umujyanama wihariye wa Perezida Museveni mu bikorewa bidasanzwe bya Gisirikare.
Uruzinduko rwe mu Rwanda rugamije gushimangira izahuka ry’umubano w’u Rwanda na Uganda wari umaze iminsi usa n’urimo ibibazo byaturutse ku gukekana amababa , aho Uganda yashinjaga u Rwanda gukorera ibikorwa by’ubutasi ku butaka bwayo, u Rwanda rwo rukayishinja gushyigikira no gutera inkunga imitwe irwanya ubutegetsi no gutoteza abaturage barwo.
