Perezida wa Repubulika y’u Rwanda Paul Kagame no kuri uyu wa 10 Ugushyingo 2022 yirukanye Gatabazi Jean Marie Vianney wari Minisitiri w’Ubutegeis bw’Igihugu amusimbuza Musabyimana Jean Claude.
Mu itangazo ry’ibiro bya Minisitiri w’Intebe ryasohotse kuri uyu wa 10 Ugushyingo, rivuga ko Perezida Kagame yashyizeho Bwana Musabyimana Jean Claude wari Umunyamabanga wa Leta muri Minisiteri y’Ubuhinzin’ubworozi nka Minisitiri mushya w’Ubutegetsi bw’Igihugu.
Bwana Musabyimana Jean Claude yanabaye umunyamabanga nshingwabikorwa n’umuyobozi w’Intara y’Amajyaruguru ukaba ari umwanya yajeho avuye kuyobora akarere ka Musanze.
Gatabazi Jean Marie Vianney yari Minisitiri w’Ubutegetsi bw’Igihugu kuva kuwa 15 Werurwe 2021, ubwo yashyirwagaho asimbuye Prof Shyaka Anastase.
