Perezida Mack Sall wa Sénégal, yakiriwe ku meza na Perezida Kagame, baganira byinshi mbere y’uko inama ya Women Deliver iri kubera I Kigali yari yanitabiriwe n’uyu muyobozi wa Sénégal .
Isangira ry’aba bakuru b’ibihugu bombi ryabereye muri Village Urugwiro, ndetse amafoto yashyizwe hanze n’Ibiro by’Umukuru w’Igihugu agaragaza bombi bari kugenda mu mbuga ngari yo mu Urugwiro.
Bari bari kumwe na ba Minisitiri b’Ububanyi n’Amahanga bombi, uw’u Rwanda, Dr Vincent Biruta n’uwa Sénégal, Aïssata Tall Sall.
Abakuru b’ibihugu byombi bagiranye ibiganiro byinshi bitatangajwe
Hari aho aba bakuru b’ibihugu bombi bageze, ku gice kiri gukorerwamo imirimo y’ubwubatsi muri Village Urugwiro, barahagarara, ndetse Macky Sall agaragara afite igice cy’ikaro riri gukoreshwa mu kubaka.
Andi mafoto kandi abagaragaza bombi bitegereza ibiti by’inganzamarumbo biri muri Village Urugwiro.
Ku muntu unyura mu nkengero za Village Urugwiro, abona ko ku gice kibanza imbere y’ahakorera Urwego rw’Aboinjira n’abasohoka, iruhande rw’ahahoze icyicaro cy’Urwego rushinzwe Iperereza n’Umutekano w’Igihugu, NISS hari kubakwa. Ni imirimo iri no gukorwa ku nyubako zimwe, imbere muri Village Urugwiro
Bahuje urugwiro kuburyo bukomeye
