kuri uyu wa 28 Werurwe umukuru w’igihugu cy’u Rwanda Perezida Paul Kagame mu kiganiro yagiranye n’abanyamabanganshingabikorwa b’utugari, yagaye abayobozi bananiwe kugaragaza ikibazo cy’inyubako zubakiwe abatishoboye zubatswe n’ikigo Urukumbuzi Real Estate cya Nsabimana Jean uzwi nka Dubai zimwe muri zo zikaba zarasenyutse zitamaze kabiri.
Umukuru w’Igihugu ntiyumva ukuntu umuyobozi nka Minisitiri agira ubwoba bwo kuvuga ku bashoramari nka Dubai bakora ibibangamira inyungu rusange z’igihugu, ndetse no kurengera inyungu z’abaturage, bimwe bikanabahitana ngo ni uko umuntu akomeye
Paul Kagame nawe yakomeje abanenga agira ati” ariko se inshingano mufite zimariye iki abaturage? Niba mudashoboye kuvugira ababatoye muzagende uwo Dubai abe ariwe ubaha akazi mukorane na we, mube abakozi be.”
yakomeje avuga ati “Birababaje kuba muzi ikibazo, muzi uwagiteye ariko ntihagire n’umwe utinyuka kuba yavuga ikibazo ngo amubwire, ati” wowe ufite icyaha hano, abaturage bakarinda iyo bapfa abandi inzu zikarinda kubagwaho.”
Yakomeje avuga ko imiyoborere nk’iyo muri iki kinyejana tugezemo atayikeneye, ngo umuyobozi udashoboye kurengera umuturage ntagomba no kuyobora.
Inyubako za kapani ( campany) Urukumbuzi Real Estate ziherereye mu mudugudu w’Urukumbuzi, akagari ka murama, umurenge wa Kinyinya mu karere ka Gasabo.
Mukarutesi Jesca
