Perezida wa Repubulika yunze Ubumwe ya Tanzania Samia Hassan Suluhu ategerejwe i Kampala mu ruzinduko rw’akazi rw’iminsi 2 ku butumire bwa Perezida wa Uganda Yoweri Kaguta Museveni.
Ibiro bya Perezida waTanzania byatangaje ko urunzinduko rwa Perezida Samia ruzatangira kuwa 10 Gicurasi rusozwe kuwa 11 Gicurasi 2022.
Biteganijwe ko Perezida Samia Suluhu n’itsinda azaba ayoboye bazagira n’ibiganiro na Perezida Museveni mu ngoro ye i Entebbe, bisozwe n’amasezerano hagati y’impande zombi. Samia kandi azagirana ibiganiro n’abikorera ku giti cyabo muri Uganda .
Perezida Samia Suluhu kuva yarahirahira kuyobora Tanzania, ruzaba ari uruzinduko rwa kabiri agiriye muri Uganda, nyuma y’urwo yagiriyeyo muri Mata 2021.
