Perezida wa Repubulika iharanira Demokarasi ya Congo ,Félix Tshisekedi n’umufasha we, Denise Nyakeru, kuri uyu wa 12 Kamena 2021 baraye mu mujyi wa Goma mu Ntara ya Kivu y’Amajyaruguru aho biteganijwe ko basura abagizweho ingaruka n’iruka ry’ikirunga cya Nyiragongo .
Ibiro bya Perezida wa Repubilika byatangaje ko , aba bombi bagiye kuri iki Cyumweru tariki ya 13 Kamena basura abagizweho ingaruka n’iruka ry’ikirunga cya Nyiragongo ryabaye tariki ya 22 Gicurasi 2021.
Biteganyijwe ko kandi Perezida Tshisekedi asura akanaganiriza abagaba b’ingabo ziri mu bikorwa bigamije kurandura burundu imitwe yitwaje intwaro imaze igihe kirekire ihungabanya umutekano mu burasirazuba bw’igihugu.
Imibare ivuga ko iruka rya Nyiragongo ryasenye inzu zirenga 3500, risiga abaturage 17,000 batagira aho kuba.
