Ku gicamunsi cyo kuri uyu wa Kabiri tariki ya 4 Mata 2021 , perezida wa Repubulika yunze ubumwe ya Tanzania Samia Hassan Suluhu yasesekaye I Nairobi muri Kenya Aho agiye kugirira uruzinduko rw’akazi ruzamara iminsi 2.
Ku kibuga cy’indege Perezida Samia Suluhu yakiriwe na mugenzi we Uhuru Kenyatta wari uherekejwe n’itsinda ry’abandi bayobozi mu nzego nkuru z’igihugu.
Uru ruzinduko rwa Madame Samia Suluhu ruje nyuma y’uko ibihugu byombi byari bimaze igihe kinini mu makimbirane ashingiye ku migenderanire yaturutse kuri Covid-19.
Kenya yari yarashyizeho ingamba zihariye za Covid -19 ku bagenzi bava muri Tanzania yayoborwaga na Dr. Magufuli , nkaho abagenzi bavuye muri Tanzania bagombaga kumara igihe kinini mu kato birurutse ku kuba Tanzania yarasaga naho yajenjekeye icyorezo.
uru ruzinduko rubaye urwa Kabiri Perezida Samia Suluhu Hassan agiriye hanze ya Tanzania kuva yarahirira kuyobora Tanzania kuwa 12 Werurwe 2021 asimbuye Magufuli wari umaze kwitaba Imana. Uruzinduko rwa Mbere Samia Yarukoreye muri Uganda mu cyumweru gishize.
