Perezida Zelensky yasabye Putin ko bagirana ibiganiro bigamije gushakira umuti urambye intambara u Burusiya bwashoje kuri Ukraine.
Mu mashusho Zelensky yashyize ku mbuga nkoranyambaga ze, yabwiye Putin ko “igihe cyo guhura kigeze, cyo kimwe n’igihe cyo kuvugana.”
Ati “ Ndashaka kumvwa n’abantu bose by’umwihariko Moscow.”
Yabwiye Putin ko igihe cyo gusubiza ubusugire Ukraine kigeze. Zelensky yashinje Ingabo z’u Burusiya gukora ibikorwa bibangamiye ikiremwamuntu mu Mijyi irimo Mariupol aho abaturage bakumiriwe kugerwaho n’ibikenerwa by’ibanze.
Yasabye Ingabo z’u Burusiya gukora ibishoboka byose ku buryo abaturage batakomeza guhura n’ibibazo by’ubuzima mu Mijyi ya Ukraine yibasiwe n’intambara.
Turabibutsa ko iyi ntambara yatangiye tariki ya 24 gashyantare 2022, ikaba imaze guhitana abantu batagira ingano.
UWINEZA Adeline
