Perezida wa Kenya, William Ruto yageze mu Rwanda mu ruzinduko rwa mbere agiriye mu Rwanda kuva yatorerwa kuyobora Igihugu cye.
William Ruto yageze mu Rwanda kuri uyu wa Kabiri tariki 04 Mata 2023, mu ruzinduko rw’iminsi ibiri.
Ku Kibuga cy’Indege cya Kanombe, William Ruto yakiriwe na Minisitiri w’Ububanyi n’Amahanga n’Ubutwerera, Dr Vincent Biruta, banabanje kugirana ibiganiro.
Perezida William Ruto kandi yahise ajya guhabwa ikaze na mugenzi we Perezida Paul Kagame, muri Village Urugwiro, aho bakiriwe n’akarasisi.
Perezida Kagame na William Ruto bahise bajya kugirana ibiganiro byabereye mu muhezo, aho biza gukurikirwa n’ikiganiro baza kugirana n’itangazamakuru.
Uru ruzinduko rw’iminsi ibiri rwa Perezida William Ruto, rugamije kwagura imikoranire hagati y’Ibihugu byombi mu nzego zinyuranye byumwihariko mu bucuruzi.
RWANDATRIBUNE.COM
