Perezida w’itumanaho muri DRC yagabweho igitero ubwo yari I Paris mu Bufarasa

Patrick Muyaya Minisitiri w’itumanaho muri Repubulika iharanira Demokarasi ya Congo yamaganye igitero cyagabwe k’umukozi wabo usanzwe ari Perezida wa CSAC  ubwo yari I Paris mu  Bufarasa, kuri uyu wa 01 Mata

Umuvugizi wa Leta ya Congo yabivuze ku munsi w’ejo ubwo yahamagariraga ubuyobozi bwa Leta y’ubufarasa ko bwafata iya mbere bugahana abakoze ibi bose.

Ibi kandi byagarutsweho n’urwego rushinzwe kugenzura itangazamakuru muri DRC aho rwamaganye ubu bugizi bwa nabi, buvanze n’agasuzuguro, ubugizi bwanabi bwanateguwe n’abiyita abarwanyi bakabukora mu buryo bw’itera bwoba, abantu bakunze kugaragara mu Bufarasa no mubihugu by’iburayi bw’iburengerazuba.

CSAC irasaba abategetsi b’Abafaransa, gufatira ibihano bikomeye abibasiye uyu munye Congo ubwo yari I Parisi.

Ubuyobozi bwa DRC bwasabye Ubufarasa kugerageza kurinda  abayobozi b’igihugu cyabo baba bari mu Bufarasa, kugira ngo badakomeza guhohoterwa.

Minisitiri w’itumanaho akaba n’umuvugizi wa guverinoma, Patrick Muyaya, we yavuze ko abayobozi ba DRC bazafatanya n’Ubufaransa kugira ngo ubutabera bwubahirizwe.

Yagize Ati: “Mperutse kuvugana na Christian Bosembe, perezida wa CSAC, mu menyesha ikibazo dufite dusezerana ko tugiye gufatanya kugira ngo inzego z’ubutabera zikore ibisabwa”.

Umuhoza Yves