Mu byishimo byo gusoza umwaka wa 2023, polisi y’igihugu yageneye ubutumwa abanyarwanda. Yihanangirije abatwara ibinyabiziga, ibibutsa uko bakwiye kwitwara baharanira kubungabunga ubuzima bwabo ndetse n’ubwa bagenzi babo.
Umuvugizi wa Polisi y’u Rwanda (ACP) Boniface Rutikanga, yasabye ko habaho ubufatanye busanzwe no guhanahana amakuru kugira ngo hatabaho ikintu cyose cyagira ingaruka ku byishimo by’abanyarwanda.
Polisi yiyemeje guhashya gutwara imodoka umuntu yasinze.
Mu guhashya abatwara abanyabiziga basinze, Rutikanga yavuze ko “Igihe cy’iminsi mikuru kizana urujya n’uruza rw’abantu no kwiyongera kw’imodoka. Ibi byose bigomba gukurikiza amategeko, umurongo ngenderwaho, no kubahiriza uburenganzira bw’abandi.”
Yibukije abashoferi gukurikiza amabwiriza y’umuhanda no kwirinda ikintu cyose gishobora guteza impanuka zo mu muhanda no guhitana ubuzima bwa muntu.
Abashoferi bakunda kwihuta cyane muri iki gihe kugira ngo bashake abagenzi, ndetse rimwe na rimwe bikabaviramo impanuka zica, batunzwe agatoki babwirwako bakwiriye kubyirinda kuruta uko babikoraga mu yindi minsi cyane ko bagomba kubahiriza amabwiriza mu buryo budasanzwe muri iyi minsi mikuru bitazagira uwo bigonganisha n’inzego zibishinzwe.
Umuvugizi wa polisi yashimangiye ko n’ubwo Polisi izakomeza imirimo isanzwe yo gucunga umutekano wo mu muhanda, abashoferi basabwa guhitamo umutekano cyangwa gutwara ibinyabiziga byemeza umutekano wabo ndetse n’uwabandi bakoresha umuhanda. Kugerayo amahoro uko bikwiriye Kandi bikababera ihame.
Yihanangirije asaba kwirinda gutwara ibinyabiziga basinze, gukoresha terefone cyangwa gutwara ibinyabiziga uhangayitse, n’ibindi bivamo impanuka.
Yavuze ko n’ubwo ingufu zisanzwe ziteguye ndetse n’ibikorwa bifitanye isano nabyo, ubufatanye n’abaturage bugomba gukomeza gutanga raporo ku kintu cyose gishobora guhungabanya umutekano wabo no kwishimisha.
Ati: “Ibirori birangwa n’ibyishimo mu miryango, guhaha ibya Noheri, ingendo z’abantu bifatanya n’abo bakunda ndetse n’ubundi buryo bwo kwinezeza. Bashimishwa ukundi, ukurikije imyizerere y’umuntu; bamwe bajya gusenga, abandi bakajya kwerekana imiziki ndetse n’imyidagaduro, abandi bakishimira kuva mu ngo zabo. Buri kimwe muri ibyo bintu bigomba gukorwa mu buryo bwiza bushoboka kugira ngo umuntu ukurikiraho atabangamirwa mu buryo ubwo ari bwo bwose. ”
Yasabye kandi kwirinda guha ibinyobwa bisindisha abana bato, ibyo bikaba bihanwa n’amategeko.
Yibukije abakora utubari gukurikiza amabwiriza ariho no “kudaha inzoga umuntu wasinze.”
Yasoje ati: “Polisi y’u Rwanda irizeza umutekano kandi abayizihiza bose bagomba kumva bafite umutekano. Polisi ku bufatanye n’izindi nzego z’umutekano buri gihe ihari kugira ngo abantu bose bishimire kandi bishimire mu mutekano.”
Niyonkuru Florentine
Rwandatribune.com
