Muri Raporo nshya ,Umuryango uharanira uburenganzira bwa muntu Human Rights Watch (HRW) wemeje ko hari ibimenyetso byinshi by’amafoto ndetse n’ibindi bimenyetso by’uko u Rwanda rudaha gusa M23 ubufasha bwo mu rwego rw’ibikoresho n’imikorere, ahubwo ko abasirikare b’u Rwanda (RDF) ruha umusanzu w’abasirikare b’inyunganizi cyangwa bakarwana bari kumwe na M23 imbere muri DR Congo.
Muri iyi raporoi yagiye hanze kuri uyu wa Mbere tariki 6 Gashyantare 2023 , HRW ishinja urashinja umutwe w’inyeshyamba wa M23 gukora ubwicanyi ku bantu bakekwaho icyaha ukabica batabanje kugezwa mu bucamanza, ndetse no guhatira abasivile kwinjira mu gisirikare cya wo.
Ku rundi ruhande kandi iyi raporo kandi HRW ivuga ko igisirikare cya DR Congo (FARDC), mu guhangana n’ibitero bya M23, kirimo gukorana n’imitwe yitwaje intwaro ishingiye ku moko yagiye irangwa no gukora ihohotera mu gihe cyashize.
Uyu muryango ushinja impande ziri mu mirwano kuba zirimo kurushaho gukoresha iturufu y’ubwoko, ibi bigashyira mu byago byinshi abaturage b’abasivile batuye mu duce twitaruye two mu ntara ya Kivu ya Ruguru.
Iyi raporo nshya , uyu muryango uvuga ko hagati yo mu Kwakira 2022 na Mutarama 2023, wavuganye n’abantu wahuye na bo imbona nkubone n’abandi yavuganye na bo kuri telefone bose hamwe 48, bavuga ko barokotse n’abavuga ko babonye ihohoterwa, n’abo mu miryango y’abarikorewe, abategetsi b’aho byabereye, impirimbanyi, abakozi ba ONU, abakozi bo mu nzego z’umutekano, abo mu mitwe yitwaje intwaro,abahagarariye muri Congo ibihugu by’amahanga n’abanyamakuru.
Ivuga ko umugore w’imyaka 38 yatanze ubuhamya avuga mu Kwakira 2022 , abanyarwanyi ba M23 bej mu rugo iwe bagafungura urugi ku ngufu maze bafatwara umugabo we n’umuhungu we w’imyaka 25 bakabatwara.
Uyu mugore ngo yabwiye abashakashatsi ba HRW ko aba barwanyi bamusabye kuguma mu nzu bitaba ibyo bakamwica , ngo yarabikoze ariko ngo akajya ahengerereza mu mwenge w’urugi, aho yemeza barasiwe hafi aho maze umugabo we akarokoka mu gihe umuhungu we yahasize ubuzima.
Iyi raporo ishinja inyeshyamba za M23 kwica abasivile nibura 22 bakekwaho icyaha, zitabanje kubageza mu bucamanza tariki 29 Ugushyingo 2022, nyuma yuko zirwanye n’amatsinda y’inyeshyamba za Mai-Mai Mazembe, FDLR irwanya ubutegetsi bw’u Rwanda na Nyatura n’inyeshyamba.
Ikomeza ivuga ko ifite amakuru yizewe ko ubwo Abarwanyi ba M23 bashakishaga abarwanyi bo mu mitwe ifatanya n’ingabo za Congo kuyirwanya, yishe abandi basivile 10.
Muri iyi raporo kandi ishinja barwanyi ba M23 ko bashobora kuba barishe mu buryo bunyuranyije n’amategeko abandi bantu benshi, barimo n’abarwanyi yafatiye ku rugamba.
Umwaka ushize, M23 yahakanye ibikubiye muri raporo y’ubutumwa bwa ONU bwo kubungabunga amahoro muri DR Congo, MONUSCO, bwavuze ko iperereza ry’ibanze ryakorewe hafi y’uduce twa Kishishe na Bambo muri Rutshuru rigaragaza ko abasivile bagera ku 131 bishwe na M23 muri utwo duce ikoresheje “amasasu n’intwaro gakondo”.
Mu itangazo M23 yasohoye icyo gihe nyuma y’iyo raporo ya MONUSCO, yavuze ko “yumijwe” no kuba umuryango ukomeye nka ONU ukora “akazi nabi”, ivuga ko rero ihakanye ibiri muri iryo perereza ivuga ko ribogamiye kuri leta ya DR Congo n’imitwe yitwaje intwaro ifatanyije na yo.
Muri iri tangazo ,M23 yasabye ko hakorwa amaperereza yigenga akozwe n’abantu b’inyangamugayo kandi badafite uruhande babogamiyeho.
M23 mbere na bwo yari wahakanye ubwicanyi bw’i Kishishe. Yavuze ko abishwe ari abarwanyi b’inyeshyamba zabateye muri ako gace n’abasivile umunani, aho watangaje n’amazina yabo.
Hagati y’u Rwanda na M23 nta ruhande ruragira icyo ruvuga kuri iyi raporo ya HRW, gusa impande zombi zahakanye imikoranire ivugwa dore ko Umuvugizi wa M23 , Maj Willy Ngoma yashimangiye ko nta n’urushinge u Rwanda ruha uyu mutwe ko ahubwo ari Abanye-Congo barwanira uburenganzira bwabo mu gihugu cyabo bityo ko kubahuza n’u Rwanda kwaba ari ukwihunza inshingazo k’ubutegetse bwa Tshisekedi bukomeje kubita Abanyarwanda.
