Ikipe ya Rayon Sport yirukanye umutoza wayo Irambona DJuma Masudi ukomoka i Burundi imuziza umusaruro mubi.
Masudi Djuma yahawe gutoza Ikipe ya Gikundiro nkuko abakunzi bayo bayita mu ntangiriro z’iyi shamiyona igeze ku munsi wayo wa 7.
Nyuma y’imikino 7 ya Shampiyona umutoza Masudi yatsinzemo imikino 3 anganya 2 atsindwa imikino 2 yose yatsinzwemo n’abakeba b’iyi kipe APR FC na Kiyovu Sport iheruka kumutsinda mu mpera z’icyumweru.
Bivugwa ko isezererwa rya Masudi Juma ryavuye mu myanzuro y’inama yahuje ubuyobozi bwa Rayon Sports n’abahagarariye abakinnyi bayo mu nama yabereye ku cyicaro cya Rayon Sport kiri ku Kimihurura mu mujyi wa Kigali.
Nkuko itangazo Rayon Sport yanyujije ku rubuga rwayo rwa Twitter ribivuga, Romami Marcel usanzwe ari umutoza wungirije niwe ugomba kuba afashe iyi kipe mu gihe ikirimo gushaka umutoza mukuru usimbura Masudi Juma.
Nyuma y’imikino 7 ya Shampiyona Masudi Juma asize ikipe ya Rayon Sport ku mwanya wa 4 wa Shampiyona n’amanota 11 ikaba izigamye igitego kimwe.
