Mu ijoro ryo kuwa 22 Kamena 2021 hafi y’umupaka wa Cameroun abasirikare benshi ba Centrafrique baguye mu gitero cy’abarwanyi ba CPC abenshi muri bo baricwa abandi barashimutwa.
Nkuko ikinyamakuru Hum Angle kibitangaza, abarwanyi ba CPC bivugwa ko bahuje imbaraga n’umutwe w’inyeshamba wa 3Rs basutse urufaya rw’amasasu kuri Bariyeri yari irinzwe n’ingabo za Centrafrique mu majyaruguru y’uburengerazuba mu gace ka Kaina kari hafi y’umupaka wa Cameroun.
Inzego zishinzwe umutekano muri Centrafrique zatangaje ko nyuma y’iyi mirwano yamaze igihe kinini, abasirikare benshi ba Leta bishwe abandi bagashimutwa n’aba barwanyi.
Imiryango iharanira uburenganzira bwa muntu muri Centrafrique yatangaje ko abasirikarebari bari mu gace Djaoro Lim kari hafi y’ahabereye imirwano bahise bangungira mu gace ka Iambe muri Cameroun.
Ikinyamakuru Hum Angle kivuga ko nyuma y’urupfu rw’uwari umuyobozi umuyobozi w’agace ka Koui wari ushyigikiye inyeshyamba za CPC wishwe n’ingabo z’igihugu , Perezida Faustin Archange Touadera yafashe icyemezo cyo gukura ingabo z’abacanshuro b’Abarusiya bafashaga ingabo z’igihugu kurinda ako gace bahasiga ingabo za FACA gusa. Ibi bikaba bikekwako aba barwanyi babonye ko hari icyuho bagahitamo kugaba iki gitero bisa naho bahorera uwo muyobozi wabo.
