Mu gihe Leta ya Congo ikiyishishikaje ari ukurwanya M23, abo mu mutwe wa Wazalendo barwana ku ruhande rw’ingabo za Congo muri Kivu y’amajyaruguru basubiranyemo.
Aba Wazalendo bo muri Pareco FF bari gusubiranamo aho Gen. MATATA ari guhigana na Maroke na Mani muri groupement ya UFAMANDO. Uku gusubiranamo kwatumye n’abaturage bahunga.
Isoko y’amakuru ya Rwandatribune ivuga ko ku rundi ruhande abo muri NYATURA iyobowe na Gen. Shamamba nabo bari gusubiranamo, aho Gen. Shamamba ari gushwana n’abo ashinzwe kuyobora babarizwa I Rubaya.
Yafashe Gen. Mutayomba na Col. Mahoro arabirukana abasimbuza uwitwa Col. Cobra abaziza ko batavuka muri Matanda, ngo bakomoka muri Mufuni Shanga.
Ikindi ni uko aba Wazalendo bo mu bwoko bw’Abahunde bari kwica abo mu bwoko bw’Abahutu bo muri Congo, ku buryo kuri ubu nta Muhutu uri kwemererwa guca mu mujyi Sake kubera ubwicanyi buri kubibasira.
