Mu itangazo ryashyizwe ahagaragara kuri uyu wa 5 Mutarama 2024 na CENI, yatangaje ko Abakandida ku mwanya w’Abadepite bagera kuri 80 bafatiwe ibihano kubera ko bakoresheje amanyanga kugirango babone amajwi.
Muri iri tangazo bagaragaje ko aba bakandida babonye amajwi k’uburyo butemewe, bifashishije amayeri atandukanye bityo ko bagomba kubihanirwa bivuye inyuma.
Ibi bije kandi bikurikiye isubikwa ry’isomwa ry’amajwi ryagombaga kuba kuwa gatatu tariki ya 3 Mutarama 2024, ariko rikaza gusubikwa kubera ko bavugaga ko harimo kwibeshya bityo hakemezwa ko amajwi azasomwa ikindi gihe batahise batangaza
Amatora yabereye rimwe nayo umukuru w’igihugu ariko akaba yaragombaga kubarurwa nyuma mu Ntara zose zigize Repubulika ya Demokarasi ya Congo.
Nubwo Aba bakandida bafatiwe ibihano, nta barura ry’amajwi ryari ryatangazwa ngo abantu babe bamenya yuko aribo bari bayatsinze.
Icyakora icyagaragajwe ari uko aba bakandida 80 bafatiwe ibihano.
Adeline Uwineza
Rwandatribune.Com
