Mu gihe hasigaye iminsi itageze ku cyumweru ngo amatora y’umukuru w’igihugu abe muri Repubulika Iharanira Demokarasi ya Kongo, umukandida ku mwanya wa Perezida wa Repubulika, Patrice Majondo yatangaje ko abivuyemo, asaba abari bamushyigikiye gushyigikira Félix Tshisekedi.
Patrice Majondo yari yahawe nimero ya 12 ku rutonde rwa nyuma rw’abakandida ku mwanya wa Perezida watangajwe na komisiyo yigenga y’amatora yigenga (CENI).
Patrice Majondo ni we wa mbere ukuyemo kandidatire ye, amajwi y’abari kuzamutora akayaharira Perezida wari uriho Félix Tshisekedi, mu gihe abandi bakuyemo kandidatire zabo, bari bashyigikiye abakandida batavuga rumwe n’ubutegetsi.
Umukandida uri mu bakunzwe cyane Moïse Katumbi yashyigikiwe n’abandi bakandida batatu bikuye muri uru rugendo ari bo Matata Ponyo, Franck Diongo na Seth Kikuni.
