Mu gitondo cyo kuri uyu wa gatanu tariki ya 3 Gicurasi 2024 ahagana saa 08h 20, mu gace ka Nzuro hatewe ibisasu bibiri abantu barenga 45 bahasiga ubuzima.
Umusilikare ufite ipeti rya Serija wo mu ngabo za FARDC utakunze ko amazina ye atangazwa yabwiye Rwandatribune ko Ibisasu bibiri biremeye byaguye mu birindiro bya FARDC biri ahitwa Nzuro,byica abasilikare 45 bavanze n’imiryango yabo.
Andi makuru Rwandatribune yamenye nuko agace ka Nzuro kari mu birindiro bikuru bya FARDC bigizwe n’abasilikare barwanisha imbunda zirasa kure.
Umwe mu batangabuhamya babyiboneye avugako ibitwaro birasa kure bya FARDC aribyo byabanje kurasa Ku nyeshyamba za M23 ziri mu misozi ya Shasha na Muremure, M23 ikaba yabikoze mu rwego rwo kwihorera.
Agace ka Nzuro kabarizwa Hafi n’ikiyaga cya Kivu kakaba karakunze kuba isibaniro ry’imirwano rya hato na hato hagati ya FARDC na M23.
Icyitegetse Florentine
Rwandatribune.com
