Umuryango utabara imbabare CROIX ROUGE ni wo wayoboye umuhango wo gushyingura abarwanyi icyenda (9) bicanywe na Maj.Gavana i Nyabanira nyuma yuko bivuganywe n’abakomano ba M23.
Kuri iki cyumweru ni bwo abarwanyi 9 bo mu mutwe wihariye wa CRAP y’inyeshyamba za RUD-URUNANA baherutse kwicanwa na Maj.Nshimiyimana Cassien uzwi nka Gavana bashyinguwe n’Umuryango utabara imbabare CROIX ROUGE, ukorera muri ako gace.
Isoko y’amakuru ya Rwandatribune yari muri uwo muhango, ivuga ko abarwanyi icyenda barimo Maj.Gavana, n’uwari umwungirije mu mutwe wa CRAP wari ufite ipeti rya Sous Lieutenant, aba Sergeant bane abandi bakaba ari abasirikare bato ku rwego rwa Soldat.
Umwe mu baturage bavuga rikijyana utuye mu gace ka Nyabanira utakunze ko amazina ye atangazwa, yabwiye Rwandatribune ko abaturage bashimye igikorwa cyakozwe na M23 cyo kubakiza Major Nshimiyimana Cassien alias Gavana, bari bamaranye imyaka 19 ari we ugenzura ako gace yica agakiza.
Uyu muturage yagize ati “M23 batubereye abacunguzi aba barwanyi mureba bamaze imyaka igera kuri 19 muri aka gace nta buyobozi bw’inzego z’ibanze bwahageraga, yaba ingabo za Leta ndetse n’igipolisi mbese Gavana uwo yari byose.”
Uyu muturage avuga ko byibuze hegitari ibihumbi umunani zakorerwagamo ibikorwa by’ishoramari n’umutwe wa RUD-URUNANA.
Ku wa Gatanu w’icyumweru gishize tariki ya 16 Ukoboza 2022, ni bwo Abakomando b’umutwe wa M23 babashijije kwinjirira ibirindiro bya CRAP biri ahitwa Nyabanira muri Gurupoma ya Binza muri Teritwari ya Rutshuru bahitana Maj.Nshimiyimana Cassien uzwi ku mazina ya Gavana ndetse n’abari bamwungirije.
Adeline UWINEZA
RWANDATRIBUNE.COM
